O BNG DE VIVEIRO SOLICITA Á ALCALDESA QUE ELEVE AO PLENO DO CONCELLO A PROPOSTA DE RESOLUCIÓN DO FIN DO EMBARGO AOS CUBANOS E CUBANAS, APROBADA RECENTEMENTE NO PARLAMENTO GALEGO.

O Bloque Nacionalista Galego de Viveiro ven de rexistrar no Concello unha solicitude, ondeinsta a Alcaldesa-Presidenta Viveirense a elevar unha proposta de resolución ao pleno da corporación para pedir o fin do bloqueo económico, comercial e financiero imposto por EEUU durante máis de cincoenta anos á Républica de Cuba. Resolución que foi aprobada recentemente no Parlamento Galego e no concello de Cangas do Morrazo, ademáis de estarse a tramitar noutros concellos de Galiza como Pontevedra, Poio ou Bueu, entre outros, e na cal se recolle a resolución 69/5 da Asemblea Xeral das Nacións Unidas onde 191 dos seus 193 países membros esixiron no 2015 a Washington o fin do embargo á nación caribeña.

Con esta proposta o BNG de Viveiro quere sumarse  á campaña impulsada en Galiza pola Asociación Cubana-Galega Haydee Santamaría “Por un 2016 sen Bloqueo a Cuba”, xa que as/os nacionalistas entenden que o pobo viveirense non debería quedarse atrás nesta demanda colectiva a favor do fin do embargo ás nosas irmás cubanas e irmáns cubanos. Dous pobos vinculados pola historia e onde as viveirensas e viveirenses temos unha débeda solidaria con Cuba por acoller a moitas das nosas e dos nosos familiares emigrantes e exiliadas/os da Guerra Civil española e pola axuda económica recibida durante décadas que discurriu desda a illa cubana a Viveiro.