Antón Vilar Ponte escribiu nun dos seus artigos autobiográficos que o primeira colaboración súa posta en letras de molde foi nun semanario de Viveiro que levaba o nome de Nueva Brisa. Era—dí Antón—un artigo escrito en “defensa do proletariado”.
Este xornal, que segundo o cronista Donapetry foi fundado no 1899 “por un grupo de mozos que con anterioridade tiñan publicado algún números nanuscritos”, tivo moi curta vida como lembra outro xornal da vila, o conservador El Eco: “ Nueva Brisa morreu despois de soplar 16 veces en dous meses e pico. Séxalle a terra pesada”.
Metidos de cheo nesta andaina dixital e despois de ter publicado nos anos noventa o xornal Penedo do Galo, voltamos no BNG de Viveiro a contar cun novo voceiro, desta vez en formato blogue e que decidimos titular— como homenaxe a Antón Vilar Ponte e tamén como anuncio dunha nova travesía pola Rede—Brisa Nova.
Así que aquí estamos. Intentando recuperar o que nos foi roubado por aqueles que queren –tamén en palabras de Antón Vilar Ponte— “camiñar de presa” e que só actúan no seu propio beneficio facendo uso duhas actas que non lles pertencen. Nós no BNG de Viveiro facemos nosas as últimas liñas do artigo onde o nacionalista viveirés escribía sobre os que camiñaban de presa:
“…Unhas actas pescadas neste
río revolto, turbio, non serán as actas galeguistas que precisamos. E a
semente xurdia é a que , os nazonalistas andamos a botare no corazón dos
mociños que inda “non teñen voto” e na ialma virxe dos meniños que “han
tardaren moitos anos en telo”.Longa vida a Brisa Nova!
Ningún comentario:
Publicar un comentario